تخيل إنك بتلعب لعبة تقيلة برسومات عالية:
كارت الشاشة قوي جدًا (زي RTX 4090)، بيقدر يعالج الرسومات بسرعة رهيبة.
لكن المعالج عندك قديم أو ضعيف (مثلاً Intel i5 من جيل قديم).
اللي بيحصل فعليًا:
اللعبة بتحتاج إن المعالج (CPU) يعالج البيانات الخاصة بالفيزياء، الذكاء الاصطناعي، الأحداث داخل اللعبة... إلخ، قبل ما يبعتها لكارت الشاشة (GPU) علشان يرسمها ويعرضها.
لكن لو المعالج بطيء، هيأخّر البيانات اللي رايحة للـ GPU.
وهنا بيظهر "عنق الزجاجة":
كارت الشاشة قاعد منتظر المعالج يخلّص شغله، ومع إنه يقدر يعالج رسومات ضخمة بسرعة، إلا إنه مش لاقي بيانات كفاية يشتغل عليها!
بالتالي، الأداء العام للجهاز في اللعبة بيقل، مش بسبب ضعف كارت الشاشة، بل بسبب بطء المعالج.
النتيجة:
المعالج هو "عنق الزجاجة" اللي بيمنع كارت الشاشة من تقديم أقصى أداء ممكن.
#YS

صورة بتشرح ازاي تفعل ال Dual Channel في الرامات
وهي ان لو حطيت شريحة رام واحدة 16 جيجا ال Dual Channel مش هتشتغل
وحتى لو حطيت شريحتين رام 2×8 في مدخلين ورا بعض بردو ال Dual Channel مش هتشتغل
لكن عشان تشغلها لازم تحط شريحتين رام في المدخل الأول والتالت أو التاني والرابع زي مظاهر عندكوا في الصورة
بعد كل ده بقى تفتكر ايه هي أصلا ال Dual Channel ؟
#YS

وانا بكتب البوست اللي فات دوست زرار ال back ف الماوس بالغلط وافتكرت كل اللي كتبته راح بس اتفاجئت ان مفيش كلمة اتمسحت لما فتحت المنصة تاني
برفكتو
#YS

من البرامج اللي نادرا لما بلاقي حد بيتكلم عليها هو برنامج ShotCut رغم انه بيوفرلك معظم الأدوات اللي هتحتاجها ك Video Editor وغير كدا أهم ميزتين فيه انه أولا مجاني وثانيا بقى الدعم أو ال Optimization الخاص بالبرنامج ده تحفة ومثال على كدا انك تقدر تشغل البرنامج على أي جهاز قديم عليه ويندوز 7 / 8 / 10 يعني مش لازم يكون جهاز قوي لا طلاما شغال عليه ويندوز 7 / 8 / 10 فتقدر تشغل عليه البرنامج عادي جدا من كتر مالبرنامج ده خفيف جدا وسلسل بطريقة انت مش هتتخيلها وآخر حاجة هقولهالك النهاردة ان البرنامج ده اه مش احسن من Adobe Premiere بس احسن من برامج كتير زي Camtasia Studio من حيث الاحترافية اللي تقدر تنتج بيها الفيديو واخف وأسلس منه على جهازك أيا كان ايه هو (حط ف اعتبارك ان Camtasia ده موجه ك برنامج تعليمي اكتر منه م برنامج مونتاج احترافي وفيه انك تقدر تعمل اختبار تفاعلي ودي حاجة مش موجودة في برنامج ShotCut)
وسايبلك ملف PDF مشروح فيه البرنامج بطريقة سريعة لزيزة فمتنساش تقولي ايه رأيك بقى ع الماشي كدا
وده لينك تحميل البرنامج: https://www.shotcut.org/download/
#YS

انهي اختيار من الاختيارات اللي قدامك دي يقدر يشتغل الكمبيوتر من غيره؟

الفرق بين معالجات الكمبيوتر العادي ومعالجات السيرفر

لو جيت تشتري كمبيوتر أو تفكر في سيرفر، أكيد سمعت عن فرق المعالجات بينهم. طيب إيه الفرق بينهم وإمتى تختار ده أو ده؟ خليني أوضحها لك ببساطة.

1. معالجات الكمبيوتر العادي (Desktop CPUs):
المعالجات دي زي اللي موجودة في أي كمبيوتر شخصي أو لابتوب، زي (Intel Core i5/i7/i9) أو (AMD Ryzen 5/7/9). أهم مميزاتها:
- مصممة للاستخدام اليومي زي التصفح، الألعاب، التصميم، والبرمجة.
- بتكون بعدد أنوية (Cores) أقل مقارنة بالسيرفرات، لكن بتعتمد على سرعة النواة الواحدة (Clock Speed) أكتر.
- بتستهلك طاقة أقل نسبيًا، وده بيخليها مناسبة للاستخدام الشخصي بدون الحاجة لتبريد ضخم.
- سعرها أرخص من معالجات السيرفر، وبتدي أداء ممتاز للاستخدامات الفردية.

2. معالجات السيرفر (Server CPUs):
المعالجات دي معمولة للشغل التقيل اللي بيحتاج استقرار وكفاءة لفترات طويلة، زي (Intel Xeon) أو (AMD EPYC). وده اللي بيميزها:
- فيها عدد أنوية أكتر بكتير (ممكن توصل لـ 64 نواة أو أكتر) عشان تقدر تنفذ مهام متعددة في نفس الوقت بكفاءة.
- بتدعم ذاكرة RAM أكبر وبتكون فيها مميزات زي (ECC Memory) اللي بتقلل الأخطاء وتحسن استقرار السيستم.
- معمولة تشتغل 24 ساعة بدون توقف، وبالتالي بتحتاج تبريد قوي عشان متسخنش بسرعة.
- بتدعم تقنيات زي (Virtualization) و(Hyper-Threading) بشكل أفضل، وده بيساعد في تشغيل سيرفرات وهمية وأكتر من نظام في نفس الوقت.
- أغلى بكتير من معالجات الكمبيوتر العادي لأنها بتوفر استقرار وأداء أعلى للشركات والمراكز الكبيرة.

إمتى تستخدم كل واحد فيهم؟
- لو انت مستخدم عادي أو حتى مبرمج، معالج الكمبيوتر العادي هيكون كفاية جدًا ليك.
- لو عندك سيرفر بيخدم عدد كبير من المستخدمين أو بيشتغل بدون توقف، يبقى معالج السيرفر هو الحل المناسب.

الخلاصة:
الفرق الأساسي إن معالجات الكمبيوتر الشخصي معمولة للمهام اليومية بأداء كويس وسعر مناسب، بينما معالجات السيرفر مصممة للشغل التقيل والاستمرارية، لكن بسعر أعلى وتبريد أقوى. اختيارك هيعتمد على احتياجاتك واستخدامك الفعلي!

Easssssy